British Music Abroad yn helpu mwy o berfformwyr i gyrraedd SxSW 2010

Postiwyd: 03.03.10

Bydd 26 o berfformwyr/grwpiau Prydeinig yn gallu mynychu South by South West (SxSW) yn Austin, Texas rhwng y 19eg a’r 21ain o Fawrth eleni, diolch i gefnogaeth PRSF (PRS for Music Foundation). Dyma’r nifer mwyaf o berfformwyr i dderbyn cymorth dan gynllun Cerddoriaeth Brydeinig Dramor i’w helpu i fynychu sioe ryngwladol.

Mae cynllun Cerddoriaeth Brydeinig Dramor yn helpu rhai o brif grwpiau y DU i wneud marc mewn gwledydd tramor ac fe’i hariennir gan PRSF, UK Trade & Investment, Celfyddydau Rhyngwladol Cymru a British Underground ar ran Arts Council England.

Ers 2006, cefnogwyd 155 o grwpiau i fynychu digwyddiadau rhyngwladol gyda chyfanswm y grantiau dros £390,000. Mae’r cynllun yn galluogi artistiaid Prydeinig sydd eisoes yn llwyddiannus yn y DU i fanteisio ar berfformio yn rhyngwladol. Mae’n gwneud hyn trwy gynnig grant tuag at gostau teithio a llety - cost a all fod yn rhwystr i artistiaid ar y lefel hon.

Cefnogwyd Cate Le Bon o Gymru i fynychu SxSW 2010. Perfformwyr eraill ar draws ystod o genres a gefnogwyd yw:

• Master Shortie
• Smoke Fairies
• Straight Lines
• The Invisible
• The Lovely Eggs
• The Boxer Rebellion
• The Chapman Family
• The Crookes
• The Jim Jones Revue
• Wave Machines
• Zun Zun Egui
• Gemma Ray
• Allo Darlin'
• Standard Fare
• And So I Watch You From Afar
• Banjo Or Freakout
• Black Spiders
• Broadcast 2000
• Crystal Fighters
• Goldheart Assembly
• Hudson Mohawke
• Rose Elinor Dougall
• Middle Finger Salute
• Johnny Flynn & The Sussex Wit
• An Experiment On A Bird In The
• Air Pump

Dywedodd Vanessa Reed, Cyd-Gyfarwyddwr PRSF:

“ Mae Cerddoriaeth Brydeinig Dramor yn codi proffil a hybu llwyddiant perfformwyr Prydeinig yma ac mewn gwledydd tramor. Heb ein cefnogaeth ariannol ni, ni fyddai’n bosibl i’r perfformwyr hyn fanteisio ar y cyfleoedd hyn. Yn y gorffennol rydym wedi cefnogi Bat for Lashes, Sway and Micachu a Shapes - pob un wedi llwyddo’n rhyfeddol, gan brofi bod hwn yn fuddsoddiad pwysig yn un o allforion cryfaf y DU, sef cerddoriaeth newydd.”

Am wybodaeth bellach, gweler:

g: www.wai.org.uk/opp428
g: http://www.prsformusicfoundation.com