Canolfan Gelfyddydau Aberystwyth, yw’r ganolfan celfyddydau fwyaf yng Nghymru ac fe’i cydnabyddir fel ‘enghraifft genedlaethol ar gyfer y celfyddydau’.
Mae ganddi raglen artistig ag iddi ystod eang, yn cynhyrchu ac yn cyflwyno, ar draws holl ffurfiau’r celfyddydau gan gynnwys drama, dawns, cerddoriaeth, y celfyddydau gweledol, y celfyddydau cymhwysol, ffilm, y cyfryngau newydd, a chelfyddydau cymunedol ac fe’i cydnabyddir fel canolfan genedlaethol ar gyfer datblygu’r celfyddydau. Rydym yn croesawu dros 650,000 o ymwelwyr bob blwyddyn, gan gynnwys dros 100,000 o fynychiadau ar gyfer y celfyddydau perfformio a digwyddiadau sy’n cynnwys gwaith lleol, cenedlaethol a rhyngwladol, 236,000 i arddangosfeydd a thros 100,000 ar gyfer ein rhaglen celfyddydau cymunedol ac addysg unigryw.
Yn 2000, gorffennodd y Ganolfan Celfyddydau ailddatblygiad mawr gwerth £4.3 miliwn ac, ar hyn o bryd rydym yn ymgymryd â datblygiad ychwanegol gwerth £1.75 miliwn a fydd yn ychwanegu cyfadeilad stiwdios diwydiannau creadigol ynghyd â stiwdios dawns a gofodau perfformio a fydd yn ganolfan raglen artistiaid preswyl newydd pwysig. Bydd hyn yn rhoi i Ganolfan Celfyddydau Aberystwyth ystod o gyfleusterau nad oes ei tebyg ar hyd llawer o’r DU.
Adran o Brifysgol Aberystwyth yw’r Ganolfan Celfyddydau, ac mae’n sefyll yng nghalon campws y brifysgol, gyda golygfeydd trawiadol dros dref Aberystwyth ac ar hyd arfordir Bae Ceredigion.
