Cwrdd â Justin Kerrigan
Sgwrs gan yr artist a chyfle i weld Human Traffic

9 Hydref 2005
Cinema Svÿtozor, Vodiÿkova 41, Praha 1

Mewn cydweithrediad â Designblok/Datatransfer

Yn enedigol o Gaerdydd, astudiodd Justin Kerrigan Gelf a Dylunio yng Ngholeg Celf Caerdydd ac ar ôl arbrofi gyda fideo, tyfodd yr awch i wneud ffilmiau.

Enillodd ei ffilm naratif fer 20 years, 1 week and attitude Wobr Ffilm a Fideo yn Eisteddfod Genedlaethol 1993. Yn ddiweddarach fe’i derbyniwyd i ysgol ffilm Coleg Prifysgol Cymru, Casnewydd. Allan o’r chwe ffilm a wnaeth tra’n fyfriwr, dangoswyd pump ohonynt ar y teledu. Perswadiwyd ef gan un o’i diwtoriaid yn y coleg ei fod yn barod i wneud ei ffilm ‘fawr’, gan gytuno i’w chynhyrchu. Treuliodd Justin flwyddyn wedi hynny yn ysgrifennu Human Traffic. Aed â’r prosiect at bob cwmni cynhyrchu ffilmiau yn y wlad a gwrthododd pob un ohonynt y fenter. O’r diwedd sicrhawyd arian gan fuddsoddwr preifat a gwnaed y ffilmio yng Nghaerdydd ym 1998 am £400,000. Rhyddhawyd y ffilm ym 1999 i lwyddiant beirniadol a masnachol ac, erbyn hyn, fe’i hystyrir yn ffilm arloesol ac yn glasur cwlt. Ar hyn o bryd mae Justin yn gweithio ar ei ffilm newydd I Know You Know, gydag Ewan Bremner yn cymryd y prif ran (Trainspotting, Alien vs. Predator).